അവളുടെ കണ്ണുകള്‍ക്ക്‌ നീല നിറമായിരുന്നു..
അവസാന വാക്കിലെ അക്ഷരങ്ങളുടെ നീല
ഞാന്‍ നീട്ടിയ ചെമ്പനീര്‍ പൂ തട്ടിതെറിപിച്ചു
അവള്‍ കടന്നു പോയി...
ഇതള്‍ കൊഴിഞ്ഞ വേദനയില്‍ എന്റെ ആത്മാവു
പിടയുന്നത് അവള്‍ കണ്ടിരിക്കുമോ?
അതോ കണ്ടിട്ടും കണ്ടില്ലെന്നു നടിച്ചുവോ?
ഇരുണ്ട ചാര നിറമുള്ള എന്റെ സ്വപ്നങ്ങളെ
അവള്‍ക്കു വെറുപ്പായിരുന്നു....
കരിഞ്ഞു പോയ പുഷ്പത്തിന്റെ ചാര വര്‍ണം..!.
കാലം എന്റെ നിറങ്ങളെ മായ്ച്ചു കളഞ്ഞപ്പോഴും,
നീല നിറമുള്ള അനശ്വരത എന്നെ നോക്കി പരിഹസിച്ചു..
പക്ഷെ അവളുടെ പട്ടടയിലെവിടെയോ
എന്റെ ചാര വര്‍ണം അവള്‍ക്കായ്‌ തേങ്ങി...
അവള്‍ പോലുമറിയാതെ ...
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ