താങ്ങുന്ന പല്ലി
അറിയാതൊന്നു താഴേക്കു
വീണാല്‍,
അടുത്ത വീട്ടിലെ കരിമ്പൂച്ച
കുറുകെ ഒന്നോടിയാല്‍,
വീട്ടു വേലക്കാരി
കാലത്തിറന്ഗുമ്പോള്‍ മുറ്റം
തൂക്കുന്ന ചൂലെടുത്താല്‍
പിറു പിറുക്കുന്നെന്‍
മുതുക്കി മുത്തശ്ശി...
അപശ്ശകുനം അപശ്ശകുനം
സര്‍വത്ര അപശ്ശകുനം..
പുറത്തിറങ്ങുമ്പോള്‍ കണ്ടത്
ചെത്തുകാരന്‍ രാമന്റെ
ശവഘോഷ യാത്ര..
പുറം തിരിഞ്ഞു നില്‍ക്കുന്ന
അമ്മിണി പയ്യിന്റെ ആസനം...
"നല്ല ലക്ഷണാ കുട്ട്യേ"
മുത്തശ്ശി മൊഴിഞ്ഞു...
വീണ്ടും വെറ്റില തുമ്പില്‍
ചുവക്കുന്ന മോണ
കാട്ടി വെളുക്കെ ചിരിക്കുമ്പോള്‍
മനസ്സില്‍ പറഞ്ഞു
മുത്തശ്ശിക്ക് വട്ടുണ്ടോ...?
