പൈങ്കിളികള്‍

 വേട്ടക്കാരന്‍ :

 

നിന്റെ കവിതകള്‍

വെറും പൈങ്കിളികളാണ്...

വിഭ്രാന്തികള്‍ .... 

ജല്പനകള്‍ ..

അടച്ചു പൂട്ടി ചവറ്റു

കുട്ടയിലെറിയൂ ഈ ഭ്രാന്തുകള്‍...

***************************

ഞാന്‍ :

 

എന്തായാലും കിളിയല്ലേ

അതിനെ സ്വതന്ത്രമായി

പറക്കാന്‍ വിടുക

എന്റെ കൊച്ചു

പൈങ്കിളികള്‍

അവയെ നിന്റെ

കമ്പി വലയത്തില്‍

അടച്ചു പൂട്ടാതിരിക്കുക..

അവ പലപ്പോഴും

പറയാതെ പോയ

എന്റെ ദീര്‍ഘ നിശ്വാസങ്ങളാണ്

കുഞ്ഞു നൊമ്പരങ്ങളാണ്
വികലമായ സ്വപ്നങ്ങളാണ്

********************* 

നേരംപോക്ക് :

 

എന്റെ പൈങ്കിളികളെ

ഞാന്‍ പറത്തി വിടുകയാണ്

എനിക്ക് പലപ്പോഴും

അന്യമായ ഈ ആകാശത്തില്‍ ..

എനിക്ക് അപരിചിതമായ

വഴികളില്‍.

ചിറക് തളര്‍ന്നു തളര്‍ന്നു

മറ്റൊരു വേട്ടക്കാരന് മുന്നില്‍

വീഴും വരേയ്ക്കും