യക്ഷി ...

കരിമ്പനകള്‍ നിഴലനക്കം 

മറന്ന നാട്ടു വഴിയിലൂടെ 

ചുണ്ട് മുറുക്കി ചുവപ്പിച്ചു 

ചുണ്ണാമ്പ് തേടി അവള്‍ വന്നു...

വെളുപ്പ്‌ നിറഞ്ഞ സാരി 

കണ്ടപ്പോള്‍ കാരണവര്‍ 

ചോദിച്ചു ഉജാല മുക്കിയില്ലേ

നിറം മങ്ങും 

കോലോത്ത് വന്നാല്‍ 

ഉജാല ഉണ്ട്...

ചോര തുള്ളികള്‍ ഇറ്റു

വീഴുന്ന ചുണ്ട് കണ്ടപ്പോള്‍ 

കാര്യസ്ഥന്‍ 

ലിപ്സ്ടിക് കുറച്ചു അധികാണ്‌

മുടി ഇങ്ങനെ മുട്ടോളം 

നീട്ടിയിടുന്നത് 

ഔട്ട്‌ ഓഫ് ഫാഷന്‍ 

കഴുത്തു വരെ വച്ച് 

മുറിച്ചോളൂ കുട്ട്യേ..

ഒന്നും മിണ്ടാതെ അവള്‍ നടന്നു 

പ്രതാപം നഷ്ടപ്പെട്ട 

പാവം യക്ഷി ....