വാലുകള്‍...

വാല് മുറിഞ്ഞ പല്ലികളും

നിറം മാറിയ ഓന്തുകളും  

ഇന്നലെ മച്ചിന്‍ പുറത്ത്

ഏറ്റുമുട്ടി..

വിപ്ലവം...

കെണിയില്‍ കുടുങ്ങിയ

പെരുച്ചാഴി ജീവന്‍

മറന്ന് വിപ്ലവത്തെ

പിന്താങ്ങി...

തുടിപ്പ് വിട്ടു മാറാത്ത

വാലുകള്‍ തേടി

നരിച്ചീറുകള്‍ വന്നിരുന്നത്രെ..

പക്ഷെ നിഴല്‍

ചിത്രങ്ങള്‍ മുഴുവന്‍

ഓന്തുകളുടെ വര്‍ണ

മഴ നനഞ്ഞു കുതിര്‍ന്നു..

പിടച്ചില്‍ മാറിയ

വാലുകള്‍ ഇന്നും

കുടം കുളത്തെ

മച്ചിന്‍ പുറത്തു

ബാക്കി നില്‍ക്കുന്നു...

ചിലത് വേദനയില്‍

പിടഞ്ഞു കൊണ്ടിരിക്കുന്നു...