വിഭ്രമ കാഴ്ചകൾ !!!

ഇന്നെന്റെ വരണ്ടുണ ങ്ങിയ 

കണ്ണുകളിലെ ഈര്പ്പത്തിനു 

ചോര മണക്കുന്നുണ്ട് 

പ്രണയത്തിന്റെ ഈറൻ ചോര മണം 

എത്ര  കഴുകിയിട്ടും 

മണം മാറാതെ അതെന്നെ തളര്ത്തുന്നു
ചത്ത ചോരയുടെ മണം 

തേടി കടിയനുറുമ്പുകൾ 

എന്നിലേക്കരിച്ചരിച്ചു 

വന്നു കൊണ്ടിരിക്കുന്നു..

വിഹ്വലതയുടെ വിഭ്രമത്തിന്റെ 

ഈ ചുഴലിക്കാറ്റിൽ നിന്നും 

എനിക്ക് ഇല്ലാതാവണം 

ദൂരെ മേഘങ്ങൾ മിന്നലിൽ 

പിളര്ന്നിറങ്ങുമ്പോൾ 

അവയിലെവിടെ യോ ധൂളികളായ് 

പടര്ന്നിറങ്ങിയ എന്റെ 

സ്വപ്നങ്ങളെ ഞാൻ കാണാറുണ്ട്

തല്ലിയുടച്ച സ്വപ്‌നങ്ങൾ !!

തിരസ്കരിക്കപ്പെടലുകളെ 

ഞാൻ പതിയെ പതിയെ 

സ്നേഹിച്ചു തുടങ്ങിയിരിക്കുന്നു 

കൂമൻ കൂവലുകൾ 

ഇരുട്ടിൽ ഇപ്പോഴെന്നെ 

ഭയപ്പെടുത്തുന്നില്ല...

കാലൻ  കോഴികളുടെ 

ചിറകടി യൊച്ചയും 

ഞാൻ ആസ്വദിച്ചു തുടങ്ങിയിരിക്കുന്നു 

അഭൗമ തലത്തിൽ 

എവിടെയോ എനിക്കു 

മാത്രമായി കാത്തിരിക്കുന്ന 

മരണമേ നിന്നെ ഞാൻ 

ഒരുപാട് പ്രണയിച്ചു തുടങ്ങിയിരിക്കുന്നു..